Praktika dawamında rayon hákimi Jambul Adilov rayonda ámelge asırılıp atırılǵan jumıslar haqqında maǵlıwmat berdi. Qaratereń kólinde infradtrukturanı jaqsılaw boyınsha kól boyına elektr tarmaǵın ákeliw boyınsha mámleket tárepinen joba tiykarında qararlar qabıl qılınǵanlıǵın hám avtomobil jolın remontlaw ushın da joybarlar ámelge asırılıp atırılǵanın bildirdi. Bunnan tısqarı, Taxtakópirde sharwashılıq hám diyxanshılıq penen bir qatarda kishi biznes hám xızmet kórsetiw tarawınıń da rawajlanıp atırǵanlıǵın, Beltawda geologiyalıq izertlewler nátiyjesinde sanaattı da rawajlandırıw boyınsha joybarlar ámelge asırılıp atırǵanlıǵın, sonday-aq regionnıń turistlik potencialınıń joqarı ekenligin atap ótti.
Ushırasıwda GIZdiń Qaraqalpaqstandaǵı turizm boyınsha eksperti, Mascontour turizm konsalting kompaniyası konsultantı, Germaniyanıń Eberswalde universiteti professorı Dr. Nicole Heausler óz pikirleri menen bólisip, sayaxat juwmaǵında usınısların tolıq jetkeretuǵının bildirdi. Sonday-aq, Qaratereń kólinde turizmdi rawajlandırıw boyınsha izertlew alıp barıwǵa kelisip alındı.