Adam Ata haslı jánnette jaralǵan bolsa, biz onıń áwladları jerde miymanbız. Ápiwayı mısal retinde, birewdiń úyine miymanǵa qalay barsaq, ádepli bolıwǵa háreket etsek, bul dúnyada Jer júzinde miyman siyaqlı seziw hám ózimizdiń jaqsı ámellerimiz benen Jer betinde miymanday jasawımız kerek. Sol jaqsı ámellerimiz arqalı Ata mákanımız bolǵan Jánnetke barıwǵa umtılıwımız kerek.
20-ásirdiń 70-80 jıllardan keyin lyuks ómir, resurslardan oǵırı paydalanıw propagandası nátiyjesinde Jer betinde ısırapgershilik, suwsızlıq, toǵaylardıń joq bolıwı sıyaqlı qáwipler kúnnen-kún artıp barmaqta. Bunnan tısqarı, mámleketler ortasındaǵı geosiyasıy turaqsız jaǵdaylar, urıslar aqıbetinde adamzat japa shekpekte.
Qansha jasasań da jerdiń betinde
Adam bir bes kúnlik duzǵa miymandur, (Maqtımqulı)